نووسینگەی سەرۆک وەزیرانی عێراق رایگەیاند، لە کۆبوونەوەی ئەمڕۆی سەرۆکی کۆمسیۆن و سەرۆک وەزیرانی عێراق دووپاتکرایەوە کە کێشەکانی بەردەم کۆمسیۆن چارەسەربکرێت و لە هەڵبژاردنەکانی هەرێم وردبینی لەسەر جێبەجێکردنی یاسا بکرێت تا هەڵبژاردنێکی دادپەروەرانە بۆ هاوڵاتیانی هەرێم رێکبخرێت.
نووسینگەی سەرۆک وەزیرانی عێراق بڵاویکردەوە، محەمەد شیاع سوودانی سەرۆک وەزیرانی عێراق لەگەڵ سەرۆکی کۆمسیۆنی هەڵبژاردنەکانی عێراق کۆبووە و گفوتگۆیان لەبارەی هەڵبژاردنی خولی شەشەمی پەرلەمانی کوردستان کرد.
لە راگەیەندراوی نوسینگەی سوودانی ئاماژە بەوەشکراوە، لە کۆبوونەوەکە باس لە هەوڵ و رێکارەکانی کۆمسیۆن لە بارەی هەڵبژاردنی هەرێمی کوردستان کرا، هەروەها جەختکرایەوە لەوەی پێویستە هەموو ئەو کێشانە چارەسەر بکرێت کە رووبەرووی کاری کۆمسیۆن دەبێتەوە.
ئەوەشخراوەتەڕوو، هەر لەو کۆبوونەوەیە وردبینیکردن لە میکانیزمە یاساییەکان بۆ ئەنجامدانی هەڵبژاردنێکی ئازاد و دادپەروەرانە، لە پێناو بەدیهێنانی خواستی هاوڵاتیانی هەرێمی کوردستان دوپاتکرایەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
