وەزارەتی کارەبای هەرێم رایدەگەیەنێت، وەزارەتەکەیان توانای بەرهەمهێنانی کارەبای بەرزکردووەتەوە و بڕیار لەسەر بە یەکسانی دابەشکردنی کارەبا لەنێوان پارێزگاکان دراوە.
وەزارەتی کارەبای حکومەتی هەرێم لە راگەیاندراوێکدا بڵاویکردەوە، لە کۆبوونەوەیەکی وەزارەتەکەیان بە سەرپەرشتیی کەمال محەمەد، وەزیری کارەبا بڕیار لەسەر جێبەجێکردنی یەکسانی لەدابەشکردنی کارەبا لەنێوان پارێزگاکان درا.
باس لەوەش دەکات، “تەوەرێکی دیکەی کۆبوونەوەکە تایبەت بوو بە لیژنەی پێوەری زیرەک و چاودێری و بەدواداچوونی سەرپێچییەکان و بڕیار درا هەڵمەتێکی فراوان بۆ نەهێشتنی سەرپێچییەکان و سزادانی ئەو کەسانە ئەنجام بدرێت کە لە دەرەوەی پێوەری زیرەک کارەبایان راکێشاوە و شوێنەکانیان ئاشکرایە،هەروەها بڕیاری کەمکردنەوەی کارەبا بەردەوامەکان درا”.
بەپێی راگەیاندراوەکە، وەزارەتی کارەبا توانای بەرهەمهێنانی کارەبای بۆ 3400 مێگاوات بەرزکردووتەوە، لەکاتێکدا خواست لەسەر کارەبا بۆ سەرووی 6000 مێگاوات کارەبا بەرز بووەتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
