فازڵ حاجی، وتەبێژی بەڕێوەبەرایەتی هاتووچۆی هەولێر رایگەیاند، هەندێك لەو بەڵگەنامانەی کە لەکاتی کڕینی ماتۆڕسکیل بەناوی مەنەفێستەوە پیشان دەدرێن، ساختەن و کاریان پێناکرێت.
وتەبێژی بەڕێوەبەرایەتی هاتووچۆی هەولێر وێنەی هەندێك لەو بەڵگەنامە ساختانەی بڵاوکردەوە، کە بەناوی مەنەفێستەوە دەدرێت بەو کەسانەی ماتۆڕسکیل دەکڕن و گوتی: بازرگانەکان تەنیا بە مەبەستی فێڵکردن پێتانی دەدەن.
فازڵ حاجی هاووڵاتییان ئاگاداردەکاتەوە، تەنیا ئەو ماتۆڕسکیلانە بکڕن کە مەنەفێستی هەرێمی کوردستانیان هەیە، چونکە ئەوانە بێ هیچ گرفت و کێشەیەك تۆماردەکرێن و دەستیان بەسەردا ناگیرێت.
هاتووچۆی هەولێر ماوەی چەند رۆژێکە هەڵمەتێکی دەستبەسەرداگرتنی ماتۆڕسکیلە بێسەرەتاکانی دەستپێکردووە و لەو بارەیەوە رایگەیاندبوو، “کێشەمان لەگەڵ بوونی ماتۆرسکیل نییە، ماتۆرسکیل هۆیەکی گواستنەوەیە هاوشێوەی هۆیەکانی دیکەی گواستنەوە، بەڵام کێشەمان لەگەڵ بوونە نایاساییەکەیانە کە سەرجەمیان بێ تابلۆن و تۆمارناکرێن، چونکە بەشێوەی نایاسایی هاتوونەتە هەرێمی کوردستان”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
