بەیانی ئەمڕۆ چوارشەممە، لەئەنجامی رووبەڕووبوونەوەدا، سێ تیرۆریست لە قەزای تارمیە باکووری بەغداد لەلایەن هێزە ئەمنییەکانەوە کوژران.
لیوا یەحیا رەسول، وتەبێژی فەرماندەی گشتی هێزە چەکدارەکانی عێراق رایگەیاند، هێزە ئەمنییەکان لەکاتی بەجێگەیاندنی ئەرکییان تایبەت بە راماڵینی تیرۆریستان، توانیان لە قەزای تارمیە باکووری بەغداد سێ تیرۆریست بکوژن.
یەحیا رەسول وتیشی، لەمیانی رووبەڕووبوونەوە و پێکداداندا، ئەندامێکی هێزە ئەمنییەکان بە سەختی برینداربووە.
