سەرۆكی هەرێمی كوردستان و سەرۆككۆماری توركیا لە پەراوێزی كۆڕبەندی دیپلۆماسیی ئەنتاڵیا كۆبوونەوە و دەڵێن، پێویستە هاریكاریی هەمەلایەنە هەبێت بۆ چارەسەركردنی ئاشتیانەی كێشەكان بە گفتوگۆ و گرتنەبەری ڕێگەی دیپلۆماسی.
سەرۆكایەتی هەرێم بڵاویكردەوە، لە میانی بەشداریكردنیان لە كۆڕبەندی دیپلۆماسیی ئەنتاڵیادا، نێچیرڤان بارزانی، سەرۆكی هەرێمی كوردستان لەگەڵ ڕەجەب تەییب ئەردۆغان سەركۆماری توركیا كۆبووەوە و لە كۆبوونەوەكەشدا هاریكاریی هاوبەشی توركیا لەگەڵ عێراق و هەرێمی كوردستان بەتایبەتی لە بواری بازرگانی و ئابووریدا، هەروەها دەربارەی دۆخی سیاسی و ئەمنیی عێراق و هەرێمی كوردستان، بیروڕایان گۆڕییەوە.
ئەوەشی خستووەتەڕوو، هەردوولا باسیان لە ئەگەر و لێكەوتەكانی دۆخی ئاڵۆزی ناوچەكە و پێشهاتەكانی شەڕ لە غەززە كردووە، هەروەها جەختیان لە گرنگیی هەوڵ و هاریكاریی هەمەلایەنە بۆ چارەسەركردنی ئاشتیانەی كێشەكان بە گفتوگۆ و دەرفەت و ڕێگە دیپلۆماسییەكان كردەوه، هەروەها مەترسییەكانی تیرۆر و چەند پرسێكی جێی بایەخی هاوبەش، تەوەرێكی دیكەی كۆبوونەوەكە بووە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
