دەروازەی سنووری حاجی ئۆمەران بەڕووی زیارەتکارانی چلەی ئیمام حوسێن کرایەوە
  • TEBA KURDİ
  • عێراق
  • دەروازەی سنووری حاجی ئۆمەران بەڕووی زیارەتکارانی چلەی ئیمام حوسێن کرایەوە

دەروازەی سنووری حاجی ئۆمەران بەڕووی زیارەتکارانی چلەی ئیمام حوسێن کرایەوە

كانونی دووه‌م 31, 2023 20:42
دەروازەی سنووری حاجی ئۆمەران بەڕووی زیارەتکارانی چلەی ئیمام حوسێن کرایەوە
0

لایک

دەروازەی نێودەوڵەتی حاجی ئۆمەران بەڕووی زیارەتکارانی شیعە بۆ بەشداریکردن لە چلەی ئیمام حوسێن کرایەوە و لەمڕۆوە هاووڵاتیانی ئێران دەتوانن لەرێی ئەم دەروازەیەوە بچنە نەجەف و کەربەلا.

ئەمڕۆ سێشەممە6ـی ئەلیلوولی 2022، ئاژانسی هەواڵی میهری ئێرانی لە زاری محەمەد سادق موعتەمیدیان، پارێزگاری ورمێ رایگەیاند، بە هەماهەنگی لەگەڵ حکومەتی هەرێم و حکومەتی عێراق، موکب (شوێنی مانەوە) بۆ زیارەتکارانی شیعە، لە رێگای پیرانشار بۆ حاجی ئۆمەران و لەوێشەوە تا بەغداد دابینکراوە، هەروەها خزمەتگوزاری تەندروستی بە شەو و رۆژ بە سیستەمی 24 کاتژمێری پێشکەش بە زیارەتکاران دەکرێت.

بەوتەی پارێزگاری ورمێ، لە کاتژمێر 07:30ـی بەیانی تا 06:00ـی ئێوارە، هاووڵاتیانی ئێران دەتوانن بێنە خاکی هەرێمەوە، بۆ کاتی گەڕانەوەشیان دەروازەکە 24 کاتژمێر کراوە دەبێت.

جێی باسە، ساڵانە بۆ بەشداریکردن لە چلەی کوژرانی ئیمام حوسێن، سەدان هەزار هاووڵاتی شیعە مەزهەب لە عێراق و وڵاتانی دیکە، لە شارەکانی نەجەف و کەربەلا کۆدەبنەوە و بە کۆمەڵ شیوەن دەکەن.