دوو بوومەلەرزەی دیکە لە دیاربەکر و مەڕاش روویدا
  • TEBA KURDİ
  • رۆژەڤ
  • دوو بوومەلەرزەی دیکە لە دیاربەکر و مەڕاش روویدا

دوو بوومەلەرزەی دیکە لە دیاربەکر و مەڕاش روویدا

شوبات 22, 2023 08:36
دوو بوومەلەرزەی دیکە لە دیاربەکر و مەڕاش روویدا
0

لایک

لە پارێزگاکانی دیاربەکر و مەڕاشی تورکیا، دوو بوومەلەرزە بە گوڕەکانی 4 و 4.1 پلە بە پێوەری رێختەر روویاندا.

بەگوێرەی ماڵپەڕی سەرۆکایەتی ئیدارەدانی کارەسات و باری لەناکاوی تورکیا (ئافاد)، بەرەبەیانیی ئەمڕۆ چوارشەممە 22ـی شوباتی 2023 کاتژمێر 06:04 خولەک، بوومەلەرزەیەک بە گوڕی 4 پلە بە پێوەری رێختەر لە شارۆچکەی دیجلەی سەر بە پارێزگای دیاربەکر تۆمارکراوە کە بە دووری 67 کیلۆمەتر لە ناوەندی شاری ئامەد هەڵکەوتووە.

ئەوەشی راگەیاندووە، لە کاتژـێر 07:40 خولەک بوومەلەرزەیەکی دیکە بە گوڕی 4.1 پلەی رێختەر لە پارێزگای مەراش روویداوە.

ئەمانە لە کاتێكدایە، دوایین ئاماری ئافاد ئاماژە بەوە دەکات، گیانلەدەستدان لە تورکیا لە ئەنجامی دوو بوومەلەرزەکەی رۆژی 6ی مانگ گەیشتووەتە 42 هەزار و 310 کەس.

En az 10 karakter gerekli