سەرۆکوەزیرانی حکومەتی هەرێم پێشوازی لە وەزیری ناوخۆی عێراق کرد و دواهەمین پێشهاتە سیاسییەکانی عێراق خرایە بەرباس.
پێشنیوەڕۆی ئەمڕۆ شەممە 27-02-2021، مەسرور بارزانی، سەرۆکوەزیرانی حکومەتی هەرێمی کوردستانی عێراق پێشوازی لە عوسمان غانمی، وەزیری ناوخۆی عێراق کرد.
هاوکات لە دیدارەکەدا هەردوولا لەبارەی پەرەپێدانی هەماهەنگیی ئەمنی نێوان حکومەتی هەرێم و حکومەتی فیدراڵ گفتوگۆیان کرد بەتایبەتی پرسی هێرشە مووشەکییەکەی کە دوا بەدوای هەماهەنگییەکان دەستکەوتی باش بەدەستهاتووە.
تەوەرێکی دیکەی دیدارەکە باس لە گرنگیی جێبەجێکردنی ڕێککەوتننامەی شنگال و دەرچوونی میلیشا و هێزه چەکدارە نایاساییەکان لە دەڤەرەکە کرا.
هەروەها سەرۆکی حکومەت ئاماژەی بە ناوچە کێشەلەسەرەکان و شاری کەرکوک کرد و رایگەیاند، “ئەم جۆرە دۆخە نائاسایی ونادەستوورییە، لە بەرژەوەندی خەڵکی عێراق نییە و پێویستە ڕێگری لێ بکرێت”.
لەلایەکی دیکەوە دانوستانەکانی هەرێم و حکومەتی فیدراڵ تایبەت بە بودجەی عێراق بۆ ساڵی 2021 و هەڵبژاردنەکانی داهاتووی عێراق ، تەوەری دیکەی گفتوگۆکان بوو.
1
مەرجەکانی وەرگرتن لە کولێژی سەربازی ئاشکرا دەکرێت
2
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
3
سزای بەسەرچوونی مۆڵەتی شۆفێری گۆڕانکاری بەسەرداهات
4
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
5
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
