بەڕێوەبەرایەتى گشتى کەشناسى و بوومەلەرزەزانى هەرێمى کوردستان-عێراق راگەیەندراوێکى لەبارەى کەشى پێشبینیکراوى 48 کاتژمێرى داهاتوو بڵاوکردەوە و رایگەیاند “پلەکانى گەرما بەرزدەبنەوە”.
بەگوێرەى راگەیەندراوەکەى کەشناسى “ئەمڕۆ هەینی، ئاسمان بە گشتی ساماڵ و پەڵە هەور دەبێت و خێرایى با لەسەرخۆ و مامناوەند 10–20 کیلۆمەتر لە کاتژمێرێکدا دەبێت و ئاراستەی با، باکووری خۆرهەڵات دەبێت”.
لە راگەیەندراوەکەدا ئاماژە بەوە کراوە “پلەکانی گەرما بەنزیکەی 1 تــــا 3 پلە بەرزتر دەبێت بەراوورد بە تۆمارکراوەکانی دوێنێ”.
سەبارەت بە کەشوهەواى پێشبینیکراوى سبەینێ شەممەش ئاسمان لەنێوان پەڵە هەور و نیمچە هەور دەبێت و پلەکانی گەرما نزیکدەبێتەوە لە تۆمارکراوەکانی ئەمڕۆ و خێرایى با لەسەرخۆ–مامناوەند 10–20 کیلۆمەتر لەکاتژمێرێکدا دەبێت.
لە راگەیەندراوەکەدا بەرزترین پلەکانی گەرمای پێشبینیکراو بە پلەی سیلیزی بەمجۆرە پۆڵێنکراوە:
هەولێر: 17
سلێمانی :16
دهۆک : 17
زاخۆ : 18
هەڵەبجە : 16
سۆران : 16
حاجی ئۆمەران : 7
گەرمیان : 20