بەڤیدیۆ.. ئەشکەنجەدانی منداڵێک لە عێراق هەرا دەنێتەوە

0

لایک

0

ڤیدیۆی ئه‌شكه‌نجه‌دان و هه‌ڵواسین و سه‌رتاشینی منداڵێک به‌شێوازێكی دڕندانه‌ له‌لایه‌ن باوک و مامیه‌وه‌ له‌یه‌كێک له‌ پارێزگاكانی عێراق كاردانه‌وه‌ی زۆری له‌تۆڕه‌ كۆمه‌ڵایه‌تیه‌كان لێكه‌وته‌وه‌ و داواش له‌ فایه‌ق زێدان سه‌رۆكی ئه‌نجومه‌نی باڵای دادوه‌ری عێراق ده‌كرێت، هه‌ڵوێستی هه‌بێت و رێكاری یاسایی به‌رامبه‌ر باوک و مامی ئه‌و گه‌نجه‌

بگرێته‌به‌ر.به‌گوێره‌ی گرته‌یه‌كی ڤیدیۆیی كه‌ له‌تۆڕه‌ كۆمه‌ڵایه‌تیه‌كان بڵاوكراوه‌ته‌وه‌، منداڵێک كه‌ ته‌مه‌نی له‌نێوان 9-11 ساڵان ده‌بێت له‌لایه‌ن باوک و مامیه‌وه‌ هه‌ڵواسراوه‌ و ئه‌شكه‌نجه‌ ده‌درێت، منداڵه‌كه‌ ده‌پاڕێته‌وه‌ و داواده‌كات ئه‌شكه‌نجه‌ی نه‌ده‌ن، به‌ڵام تۆمه‌تباره‌كان له‌ڕێگه‌ی مه‌كینه‌ی تایبه‌تیه‌وه‌ به‌شێك له‌ قژی منداڵه‌كه‌ ده‌بڕن.هه‌ر به‌گوێره‌ی ڤیدیۆكه‌، له‌ڕێگه‌ی قامچیه‌وه‌ كه‌سێک له‌منداڵه‌كه‌ ده‌دات و پاشانیش منداڵه‌كه‌ به‌ته‌واوی له‌هۆش خۆی ده‌چێت، به‌وته‌ی به‌شێک له‌به‌كارهێنه‌رانی تۆڕه‌ كۆمه‌ڵایه‌تیه‌كانیش، ئه‌و منداڵه‌ له‌لایه‌ن باوک و مامیه‌وه‌ ئه‌شكه‌نجه‌ ده‌درێت.