لە ئاکامی هێرشێکی مووشەکی بۆ سەر باڵیۆزخانەی ئەمریکا لە بەغدادی پایتەختی عێراق، باڵەخانەکە زیانی بەر کەوت.
ئاژانسی ھەواڵی ئەسۆشیەییتد پرێس (AP) بڵاوی کردەوە کە، دوای هێرشەکە دووکەڵ لە باڵەخانەکە بەرز بووەتەوە.
سەرچاوە ئەمنییەکان ڕایانگەیاندووە کە یەکێک لە مووشەکەکان لە ناوچەی نیشتەجێبوونی باڵیۆزخانەکە کەوتووە و زیانی بەر پیستی هێلیکۆپتەر گەیاندووە.
بە پێی هەواڵێکی “شەفەق نیوز” لە زمانی سەرچاوە ئەمنییەکانەوە، بە هۆی هێرشەکەوە سیستەمی بەرگریی ئاسمانی سی-ڕام’ی باڵیۆزخانەکە زیانی بەرکەوتووە.
