سوودانی و باڵیۆزی تورکیا تاوتوێی ئاڵۆزییەکانی ناوچەکە دەکەن

0

لایک

0

محەمەد شیاع سوودانی، پێشوازی لە ئەنڵ بۆرا ئینان، باڵیۆزی تورکیا لە عێراق کرد.

ئەمڕۆ چوارشەممە ٤ی ئاداری ٢٠٢٦، نووسینگەی ڕاگەیاندنی سەرۆکوەزیرانی عێراق ڕایگەیاند، لە دیدارەکەدا، هەردوولا پەیوەندییە دووقۆڵییەکانی نێوان بەغداد و ئەنقەرەیان تاوتوێ کرد و تیشکیان خستەسەر دوایین گۆڕانکارییە سیاسی و ئەمنییەکانی ناوچەکە.

تەوەری سەرەکی کۆبوونەوەکە تەرخانکرابوو بۆ لێکەوتە مەترسیدارەکانی پەرەسەندنی گرژییە سەربازییەکان لەسەر ئاسایشی ناوچەیی و نێودەوڵەتی.

سوودانی و باڵیۆزی تورکیا جەختیان لەسەر گرنگیی هەماهەنگیی زیاتری نێوان وڵاتانی ئیسلامی کردەوە بۆ ڕێگریکردن لە کردەوە دوژمنکارییەکان.

هەروەها هەردوولا هاوڕابوون لەسەر پێویستیی چڕکردنەوەی هەوڵە نێودەوڵەتییەکان بۆ هێورکردنەوەی دۆخەکە و پەنابردن بۆ دیپلۆماسی و گفتوگۆ وەک تەنیا ڕێگە بۆ چارەسەرکردنی قەیرانەکان، بە مەبەستی پاراستنی سەقامگیری و دوورخستنەوەی گەلانی ناوچەکە لە ماڵوێرانییەکانی جەنگ.