بەڕێوەبەرایەتی کەشناسی و بوومەلەرزەزانی هەرێم پێشبینییەکانی بۆ دوو ڕۆژی داهاتوو ڕاگەیاند، بەپێی پێشبینییەکان پلەکانی گەرما بەراورد بە دوێنێ (٢-٣) پلە بەرز دەبنەوە.
ئەمڕۆ شەممە بەڕێوەبەرایەتی کەشناسی هەرێم رایگەیاند، ئاسمان ساماڵ دەبێت و پلەکانی گەرما بەرزبوونەوە بەخۆیانەوە دەبینن بەراورد بە دوێنێ.
بەگوێرەی پێشبینییەکانی بەڕێوەبەرایەتییەکە سبەی یەکشەممە، ئاسمان ساماڵ دەبێت و لە هەندێک ناوچەی شاخاوی نیمچە هەوردەبێت.
سەبارەت بە پلەی گەرما بەرێوەبەرایەتییەکە دەڵێت، سبەی پلەی گەرما نزیک دەبێتەوە لە پلەکانی ئەمڕۆ.
پێشبینی پلەی گەرما بۆ سبەی یەکشەممە:
هەولێر: ٢٤ پلە
سلێمانی: ٢٣ پلە
چەمچەماڵ: ٢٤ پلە
دهۆک: ٢٢ پلە
زاخۆ: ٢٢ پلە
حاجی ئۆمەران: ١٥ پلە
