ئێوارەی ئەمڕۆ چوارشەممە (21ـی حوزەیرانی 2023) تەقینەوەیەکی بەهێز لە یەکێک لە باڵەخانەکانی ناوچەی پێنجی پاریس روویدا کە بەپێی زانیارییە سەرەتاییەکانی بەرپرسانی شارەکە لە ئەنجامی تەقینەوەی سیستەمی غازی ئەو باڵەخانەیەوە بووە.
ئاژانسەکانی هەواڵ دیمەنەکانی دوای رووداوەکەیان بڵاوکردووەتەوە کە زیانێکی زۆر بە باڵەخانەیەک کەوتووە و ئاگر و دووکەڵێکی زۆر بەرزدەبێتەوە کە ئەو باڵەخانەیە ناوەندێکی ئەکادیمییە سەر بە سیستەمی خوێندنی کاسۆلیکی لە پاریس.
هەرچەندە تائێستا لایەنە فەرمییەکان هۆکاری رووداوەکەیان بە فەرمی رانەگەیاندووە، پێش ئەوەی بەرگری شارستانی کۆنترۆڵکردنی ئاگرەکە رابگەیەنێت، ئانا هیدالگۆ و گێراڵد دارمانیان، وەزیری ناوخۆی فەرەنسا داوایان لە هاووڵاتییان و گەشتیاران کرد لە شوێنەکانی نزیک رووداوەکە دووربکەونەوە.
هاوکات میدیا فەرەنسییەکان ئاماژەیان بەوەکردووە، دوای رووداوەکە بۆنی غاز لە ناوچەکە بڵاوبووەتەوە و گومانی ئەوەی لێدەکرێت کە تەقینەوەکە بەهۆی تەقینی غازەوە بووە.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
5
بەهۆی کەوتنی فڕۆکەیەک سەرجەم سەرنشینەکان گیانیان لەدەستدا
