سعوودیە: نزیکەی 1.5 ملیۆن کەس بۆ فەریزەی حەج هاتوون

سعوودیە: نزیکەی 1.5 ملیۆن کەس بۆ فەریزەی حەج هاتوون

حکومەتی سعوودیە رایگەیاند کە یەک ملیۆن و 499 هەزار و 472 کەس لە دەرەوەی وڵاتەوە بۆ ئەداکردنی فەریزەی حەج هاتوونەتە وڵاتەکە.

حوزه‌یران 22, 2023 22:11
سعوودیە: نزیکەی 1.5 ملیۆن کەس بۆ فەریزەی حەج هاتوون
0

لایک

لە راگەیەندراێکی هەژماری تویتەری بەڕێوەبەرایەتی گشتیی پاسپۆرتی سعوودیەوە هاتووە، ئەوە وەبیرهێنراوەتەوە کە موسڵمانان لە هەموو لایەکی جیهانەوە بە مەبەستی ئەداکردنی فەریزەی حەج لە رێگەی وشکانی، دەریا و ئاسمانییەوە بەردەوامن لە هاتن بۆ نێو خاکە پیرۆزەکان.

لە راگەیەندراوەکەدا ئەوە خراوەتەڕوو، ژمارەی ئەو کەسانەی کە تا رۆژی چوارشەممە 21ـی حوزەیران گەیشتوونەتە سعوودیە گەیشتووەتە یەک ملیۆن و 499 هەزار و 472 کەس و زانیاری ئەوە بڵاوکراوەتەوە کە یەک ملیۆن و 435 هەزار و 14 کەسی ئەمانە لە رێگەی گەشتی ئاسمانییەوە گەیشتوونەتە خاکە پیرۆزەکان.

لە راگەیەندراوەکەدا ئەوە ئاشکراکراوە کە 59 هەزار و 744 کەسیش لە دەروازە سنوورییەکانەوە و چوار هەزار و 714 کەسێش لە رێگەی دەریاوە روویان کردووەتە وڵاتەکە.

ئاماژە بەوەش کراوە، گرنگی بە دابینکردنی هەموو جۆرە ئاسانکارییەک بۆ میوانانی خاکە پیرۆزەکان دراوە، کە 230 هەزار و 170 کەس کە لە رێگەی گەشی ئاسمانییەوە هاتوون سوودیان لە پرۆژەی رێگای مەککە بینیوە.

En az 10 karakter gerekli