به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان-عێراق ڕایگه‌یاند، ئه‌مڕۆ ئاسمان بەگشتی ساماڵ دەبێت لەگەڵ هەندێك پەڵە هەور و پلەکانی گەرما كەمێك بەرزتر دەبێت، سبه‌ینێش خێراىی با لەسەرخۆ و مامناوەند دەبێت و له نێوان 10 بۆ 20 كیلۆمه‌تر ده‌بێت له‌كاتژمێرێكدا.
به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان-عێراق بڵاویكرده‌وه، ئه‌مڕۆ هه‌ینی ئاسمان بەگشتی ساماڵ دەبێت لەگەڵ هەندێك پەڵە هەور و پلەکانی گەرما كەمێك بەرزتر دەبێت لە تۆمارکراوەکانى دوێنێ.
ئاماژه‌ی به‌وه‌شكردوه، خێرایی با لەسەرخۆ و مامناوەند دەبێت و له نێوان 10 بۆ 20 كیلۆمه‌تر ده‌بێت له‌كاتژمێرێكدا، ئاڕاستەی با باکووری خۆرئاوا دەبێت.
كه‌شناسی ده‌ڵێت، سبه‌ی شه‌ممه ئاسمان لە نێوان ساماڵ و پەڵە هەور دەبێت، لەگەڵ دروستبوونی كەمێك تەم لە هەندێك ناوچە لە كاتەكانی بەیانیدا.
هه‌روه‌ها ده‌ڵێت، پلەکانی گەرما بە نزیكەی 1 تـــا 3 پلە بەرزتر دەبێت بەراورد بە تۆمارکراوەکانى ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 14 پلەى سیلیزى
سلێمانی: 13 پلەى سیلیزى
دهۆک : 13 پلەى سیلیزى
هەڵەبجە: 13 پلەى سیلیزى
زاخۆ: 14 پلەى سیلیزى
حاجی ئۆمەران : 6 پلەى سیلیزى
سۆران : 14 پلەى سیلیزى
گەرمیان: 18 پلەى سیلیزى
