ئەنجومەنى وەزیرانى هەرێمى کوردستان-عێراق، سبەی چوارشەممە کۆدەبێتەوە و گفتوگۆ لە بارەی كۆبونەوەكانی شاندی هەرێم و بەغداد و چارەنووسی مووچەی مانگەكانی ئایار و حوزەیرانی فەرمانبەران و مووچەخۆرانی هەرێم دەكرێت.
بە گوێرەی کارنامەکە، لە کۆبوونەوەکەدا ئەنجامى کۆبوونەوەکانى چەند ڕۆژی ڕابردووی نێوان شاندى حکومەتى هەرێمى کوردستان-عێراق و شاندى حکومەتى فیدراڵى بە ئامادەبوونى نوێنەرى کۆمپانیاکانی نەوت سەبارەت بە دەستپێکردنەوەى هەناردەى نەوتى هەرێمى کوردستان-عێراق لە رێگاى کۆمپانیاى سۆمۆە تاوتوێ دەکرێت.
ئاماژەی بەوەشكرد، هەر لە کۆبوونەوەکەدا بەدواداچوون بۆ خەرجکردنى مووچەى هەردوو مانگى ئایار و حوزەیرانـى موچەخۆرانى هەرێمى کوردستان-عێراق دەکرێت. کۆبوونەوەکە کاتژێر 10ـی پێشنیوەڕۆ دەستپێدەکات.
بەگوێرەی كارنامەكە، لە بڕگەى دووەمى کۆبوونەوەکەدا راپۆرتى وەزارەتى کار و کاروبارى کۆمەڵایەتى، بەڕێوەبەرایەتیى گشتیی کار و دەستەبەرى کۆمەڵایەتى سەبارەت بە خانەنشینى و دەستەبەرى کۆمەڵایەتیى کرێکارانى هەرێمى کوردستان-عێراق دەخرێتەڕوو، لەگەڵ پێشکێشکردنى ئامار و زانیارى بەرەوپێشچوونەکان و پێشکێشکردنى راسپاردە و پێشنیازەکان.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
