حەسەن توڕان، سەرۆکی بەرەی تورکمانی عێراق و سەرۆکی لیستی بەرەی تورکمانی عێراقی یەکگرتوو لەگەڵ لاهور شێخ جەنگی، سەرۆکی بەرەیی گەڵ کۆبوویەوە.
ئەمڕۆ چوارشەممە، 05 شوبات، 2025، بەرەی تورکمانی عێراقی ڕایگەیاند، حەسەن توڕان، سەرۆکی بەرەی تورکمانی عێراق و سەرۆکی لیستی بەرەی تورکمانی عێراقی یەکگرتوو لەگەڵ لاهور شێخ جەنگی، سەرۆکی بەرەیی گەڵ کۆبوویەوە.
بەرەی تورکمانی ئاماژەی بەوەشکرد لە کۆبوونەوەکەدا ئاڵا تاڵەبانی پەرلەمانتاری پێشوو و محەمەد سەمعان، ئەندامی مەکتەبی سیاسی و وتەبێژی بەرەی تورکمانی و گوڵشەن جەلال، بەرپرسی لقی بەغدادی بەرەی تورکمانی ئامادەبوو.
بەرەی تورکمانی ئاماژەی بەوەشکرد، لە دیدارەکەدا پێداچوونەوەی بە دوایین پێشهاتەکانی گۆڕەپانی سیاسی و ڕێگاکانی پەرەپێدانی دیالۆگی نیشتمانی لە نێوان هێزە سیاسییەکان کرا کە بەشدارن لە لێکنزیکبوونەوەی تێڕوانین و یەکخستنی هەوڵەکان بۆ پاراستنی ئاسایش و سەقامگیری وڵات و دوورکەوتنەوە لە قەیرانەکان کە دەتوانن مەترسی لەسەر داهاتووی وڵاتەکە دروست بکەن.
ئەوەشی خستەڕوو، لە میانی حەسەن توڕان جەختی لە گرنگی چڕکردنەوەی گفتوگۆ و هەماهەنگی هاوبەشی نێوان هێزە سیاسییەکان کردەوە بۆ ڕووبەڕووبوونەوەی ئاستەنگەکانی ئێستا، پێویستی بە یەکلاکردنەوەی بەرژەوەندییە نیشتمانییەکان بەسەر جیاوازییەکان و زامنکردنی مافی دەنگدەران لە هەڵبژاردنەکانی داهاتوودا و پاراستنی عێراق لە هەڕەشەکانی سەر ئاسایش و سەقامگیرییەکەی، هاوکاری پێکەوە کارکردن بۆ پاڵپشتیکردنی یەکێتی نیشتمانی لە ناوچەکەدا لەم قۆناغە هەستیارەدا دەربڕی.
