هەیام یاسری وەزیری پەیوەندییەکانی عێراق رایگەیاند، باج لەسەر باڵانسی مۆبایل و کارتی ئینتەرنێت داناندرێت.
هەیام یاسری لەبارەی دانانەوەی باج لەسەر کارتی مۆبایل و ئەنتەرنێت راگەیەندراوێکی بڵاوکردەوە.
وەزیری پەیوەندییەکان ئاماژەی بەوە دا، پرۆژەیاسای بودجە كە لەلایەن حکومەتەوە بۆ ئەنجومەنی نوێنەران نێردراوە، هیچ دەقێكی تێدا نەبووە كە داوا بکات باج لەسەر باڵانسی مۆبایل و کارتی ئینتەرنێت دابنرێتەوە.
وتیشی، حکومەت پابەندە بەو بڕیارەی پێشتر لەم بارەیەوە دەریكردوە كە هیچ جۆرە باجێك لەسەر باڵانسی مۆبایل و كارتی ئینتەرنێت دانەنرێتەوە.
