بەپێی پێشبینییەکانی کەشناسی لە ٤٨ سەعاتی داهاتوودا، لێزمەباران دەبارێت و هەورە بروسکەی لەگەڵ دەبێت، هەروەها ئەگەری دروستبوونی خۆڵبارین هەیە.
بەڕێوەبەرایەتی گشتی کەشناسی هەرێم بڵاویکردەوە، ئەمڕۆ لە زۆربەی ناوچەکانی بارانبارین بە شێوەی لێزمەباران و هەورە بروسکە دەبێت، هەروەها ئەگەری دروستبوونی تۆزوخۆڵ هەیە بە تایبەتی لە سنوری ئیدارەی گەرمیان و باشووری پارێزگای هەولێر (ئەربیل).
ئاماژەی بەوەشکرد، سبەینێ ئاسمان بە گشتی پەڵەهەور دەبێت لە هەندێ کاتدا دەگۆرێت بۆ نیمچەهەور و هەوری تەواو لەگەڵ ئەگەری نمەباران لە هەندێک کاتدا بە تایبەتی لە ڕۆژهەڵاتی هەرێم.
کەشناسی هەرێم ئەوەی خستەڕوو، پلەکانی گەرما بە نزیکی یەک تـا ٢ پلە نزمتر دەبنەوە بەراورد بە تۆمارکراوەکانی دوێنێ، وەک لە خوارەوە ئاماژەى پێدراوە.
بەرزترین پلەکانی گەرمای پێشبینیکراو بە پلەی سیلیزی
هەولێر (ئەربیل): ١٩ پلەی سیلیزی
حاجی ئۆمەران: ٧ پلەی سیلیزی
سلێمانی: ١٦ پلەی سیلیزی
چەمچەماڵ: ١٨ پلەی سیلیزی
دهۆک: ١٧ پلەی سیلیزی
زاخۆ: ١٧ پلەی سیلیزی
هەڵەبجە: ١٦ پلەی سیلیزی
گەرمیان: ٢١ پلەی سیلیزی
