وەزارەتی بەرگری تورکیا ڕایگەیاند، تەقەمەنییەکی بالیستی کە لە ئێرانەوە هاوێژرابوو و هاتبووە ناو کایەی ئاسمانی تورکیا، لەلایەن یەکەکانی بەرگریی ئاسمانی و مووشەکیی ناتۆ کە لە ڕۆژهەڵاتی دەریای ناوەڕاست جێگیرکراون، تێکشکێندرا.
ئەمڕۆ دووشەممە، ٩ ئاداری ٢٠٢٦، وەزارەتی بەرگری تورکیا ڕایگەیاند، هەندێک پارچەی تەقەمەنییەکە لە ناوچە چۆڵەکانی گازی عەنتاب کەوتوونەتە خوارەوە. لەم ڕووداوەدا هیچ زیانێکی گیانی و برینداربوون تۆمار نەکراوە.
ئاماژە بەوەشکرا، تورکیا گرنگییەکی زۆر بە پەیوەندییەکانی دراوسێیەتی باش و سەقامگیری ناوچەیی دەدات، بەڵام جارێکی دیکە جەخت دەکەینەوە کە هەموو هەنگاوێکی پێویست بە بڕیار و بەبێ دوودڵی بەرامبەر هەر هەڕەشەیەک بۆ سەر خاک و کایەی ئاسمانی وڵاتەکەمان دەنرێت.
ئەوەش خرایەڕوو، وەبیرهێنانەوەی ئەوە دەکەینەوە کە پابەندبوون بە ئاگادارکردنەوەکانی تورکیا لەم بارەیەوە لە بەرژەوەندی هەموو لایەکدایە.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
