ئەنجومەنی وەزیرانی هەرێم بە سەرۆکایەتی مەسرور بارزانی، سەرۆکی ئەنجومەنەکە کۆدەبێتەوە و دەرەنجامی سەردان و گفتوگۆکانی شاندی باڵای حکومەتی هەرێم بۆ بەغداد دەخاتەڕوو.
فەرمانگەی میدیا و زانیاری رایگەیاند، ئەمڕۆ چوارشەممە رێکەوتی 5ـی نیسانی 2023، ئەنجومەنی وەزیرانی هەرێم، بە سەرپەرشتیی مەسرور بارزانی، سەرۆکی ئەنجومەنەکە کۆدەبێتەوە.
لە بڕگەی یەکەمی کۆبوونەوەکەدا، دەرەنجامی سەردان و گفتوگۆکانی شاندی باڵای حکومەتی هەرێم بە سەرۆکایەتیی مەسرور بارزانی، سەرۆکی ئەنجومەنی وەزیران بۆ بەغداد دەخرێتەڕوو.
بڕگەی دووەمی کۆبوونەوەکە تایبەت دەبێت بە خستنەڕووی رەشنووسی پڕۆژەیاسای وەزارەتی تەندروستی، بە مەبەستی تاووتوێکردن و پەسەندکردنی.
بابەتی بەرزیی نرخی کاڵا و پێداویستییەکان لە بازاڕ، وێڕای دابەزینی نرخی دۆلار بەرامبەر بە دیناری عێراقی، لە بڕگەی سێیەمی کۆبوونەوەکەدا دەخرێتەڕوو.
