ئێوارەی ئەمڕۆ لەئەنجامی رووداوێكی هاتووچۆ لەسنوری ناحیەی هەریری سەر بە پارێزگای هەولێر (ئەربیل)، پێنج كەس گیانیان لەدەستدا.
فازڵ حاجی وتەبێژی هاتوچۆی هەولێر لەڕاگەیەندراوێكدا بڵاویكردەوە، “بەداخەوە لەدەرەنجامی رووداوی وەرگەڕانی پیكابێك، لەڕێگای (شێخ توراب بۆ قەندیل) لەنزیك قەڵاتە جن، پێنج كەس گیانیان لەدەستدا”.
بەپێی زانیارییەکان، سەرجەم قوربانیەكان دوای ئەوەی گەیەندرانە بەشی فریاكەوتنی نەخۆشخانەی هەریر رەوانەی هەولێر كراون.
روداوەكە لەنزیك گوندی قەڵاتە جن لە ناوچەی شێخ توراب روویداوە و ئەو كەسانەشی كە گیانیان لەدەستداوە سەرجەمیان سەرنشینی یەك ئۆتۆمبێلن.
