بەڕێوەبەری دەستەی هەڵبژاردنەکانی هەرێم لە عێراق دەڵێت، زیاتر لە ٥٠٪ـی هێزە ئەمنییەکان بەشدارییان لە پرۆسەی دەنگدان کردووە و پرۆسەکە بەبێ هیچ کێشە و گرفتێک بەڕێوەچووە، ئامێرەکانی دەنگدانیش هیچ کێشەیەکیان نییە.
ئەمڕۆ یەکشەممە ٩ـی تشرینی دووەمی ٢٠٢٥، دەنگدانی تایبەت بۆ هەڵبژاردنی پەرلەمانی عێراق لە هەرێم و پارێزگاکانی عێراق بەڕێوەدەچێت و لەم بارەیەوە نەبەرد عومەر، بەڕێوەبەری دەستەی هەڵبژاردنەکانی هەرێم لە عێراق لە کۆنگرەیەکی رۆژنامەوانیدا وتی، سەردانی چەندین وێستگە و بنکەی دەنگدانیان کردووە لە سەرجەمیاندا پرۆسەی هەڵبژاردنی تایبەت بەسێوەیەکی باش و بەبێ هیچ کێشە و گرفتێک بەڕێوەدەچێت.
دەشڵێت، تاوەکو ئێستا ٥٠٪ تاوەکو ٦٠٪ ـی کارمەندانی هێزە ئەمنییەکان بەشداری پرۆسەکەیان کردووە و هیچ کەسێک نەبووەتە هۆی درووستکردنی گرفت بۆ پرۆسەکە.
دڵنیایی دەدات، گرفتەکانی ساڵی رابردوو لەم هەڵبژاردنەدا دووبارە نابنەوە و سەرجەم وێستگەکان کراوەن و ئامێرەکانی دەنگدانیش هیچ کێشەیەکیان نییە.
لە درێژەی لێدوانەکەیدا، داوا لە هێزە ئەمنییەکان دەکات کە لە نزیک بنکەکان هیچ پۆستەرێکی بانگەشە هەڵنەواسن، چونکە بە توندی سزادەدرێن.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
