وه‌زیری كۆچ و كۆچبه‌رانی عێراق بڕیاریدا ژوورێكی فریاگوزاری خێرا بۆ رزگاركردنی خێزانه‌كان له‌كاتی دروستبوونی هه‌ر پێشهات و قه‌یرانێک به‌هۆی گۆڕانی كه‌شوهه‌واوه پێكبهێنرێت.
وه‌زاره‌تی كۆچ و كۆچبه‌رانی عێراق، ئه‌مڕۆ (دووشه‌ممه 27ـی شوبات 2023) راگه‌یه‌ندراوێكی بڵاوكرده‌وه، تێیدا هاتووه: به ئاماده‌بوونی فارس عیسا سەرۆكی نوێنەرایەتی حكومەتی هەرێمی كوردستان لە بەغدا و نوێنه‌رانی وه‌زاره‌ته په‌یوه‌نداره‌كان و رێكخراوه نێوده‌وڵه‌تییه‌كان IOM , UNHCR , UNICEF , WFP, ICRC)، ئیڤان جابرۆ وه‌زیری كۆچ و كۆچبه‌رانی عێراق سه‌رۆكایه‌تی كۆبوونه‌وه‌یه‌كی به‌په‌له‌ی تایبه‌ت به ئاماده‌كارییه‌كان بۆ روودانی هه‌ر رووداوێكی سرووشتیی و دروستبوونی وێرانكاری (لافاو و بوومه‌له‌رزه) و رزگاركردنی خێزانه‌كان، كرد.
له‌مباره‌یه‌وه وه‌زیری كۆچ و كۆچبه‌رانی عێراق رایگه‌یاند، به‌هۆی گۆڕانی كه‌شوهه‌وا، ره‌نگه عێراق دووچاری لافاو و بوومه‌له‌رزه ببێته‌وه، بۆیه وه‌زاره‌ته‌كه‌ی ده‌ستیكرد به دروستكردنی ژوورێكی تایبه‌ت به فریاگوزاری خێرا و رزگاركردنی خێزانه‌كان له‌كاتی روودانی لافاو و بوومه‌له‌رزه، تا ئاماده‌كاری بكه‌ن بۆ روودانی هه‌ر پێشهاتێك.
به گوێره‌ی راگه‌یه‌ندراوه‌كه‌ی وه‌زاره‌تی كۆچ و كۆچبه‌رانی عێراق، بڕیاردرا پلانێك بۆ (پێش روودانی كاره‌سات، كاتی روودانی كاره‌سات و قۆناغی دوای روودانی كاره‌سات) ئاماده‌بكه‌ن.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
