پۆلیسی هەولێر (ئەربیل): تۆمەتبارێک دەستگیرکراوە کە ماڵەکەی خۆی سووتاندوە

لایک

پۆلیسی هەولێر (ئەربیل) ڕایگەیاند، دوای ئەوەی ئاگادار کراینەوە کە لە گەڕەکی (هەولێری نوێ) ڕووداوێکی سووتان و هەڵکوتانە سەر ماڵێک ڕووی داوە دەستبەجێ تیمەکانمان گەیشتنە شوێنی ڕووداوەکە .

ئەمڕۆ چوارشەممە 26-3-2025 بەڕێوبەرایەتیی پۆلیسی هەولێر (ئەربیل) ڕایگەیاند، هاوڵاتییه‌ك هەڵیکوتاوەتە سەر ئەو ماڵە و دزی لێ کردوون دواتر لە ئافرەتی ماڵەکەشی داوە و پاشان ماڵەکەی سووتاندووە .

پۆلیسی هەولێر (ئەربیل) ئاماژەی بەوەش کردووە، پاش لێکۆڵینەوەکان دەرکەوتووه‌ کە تۆمەتبار کوڕی ماڵەکەیە و دوای ئەوەی ماڵەکەی سووتاندووە، لە دایکی داوە و ملوانکەی زێڕی ملی دایکی پچڕاندووە و دزیویەتی، پاشان لە کۆڵانی خۆیان داوای هاوکاریی کردووە کە ماڵەکەیان سووتاوە بۆ ئەوەی تاوانەکەی بشارێتەوە، بەڵام لە ماوەی کەمتر لە چەند کاتژمێرێکدا تۆمەتبار ئاشکرا کراوه‌ .

لە ئێستادا تۆمەتبار بە بڕیاری دادوەری لێكۆلینه‌وه‌ دەستگیر کراوە و پەڕاوی یاسایی بۆ کراوەتەوە و دانیشی بە تاوانەکەیدا ناوە و لێکۆڵینەوە لە ڕووداوەکەش بەردەوامە .