ئەمڕۆ دووشەممە 17ـی نیسانی 2023 دمیترۆ کوڵیبا، وەزیری دەرەوەی ئۆکراینا بە سەردانێکی فەرمی گەیشتە بەغداد و لەگەڵ فوئاد حوسێن کۆبووەوە.
حسێن لە کۆنگرەیەکی ڕۆژنامەوانی هاوبەش لەگەڵ هاوتا ئۆکراینییەکەی، رایگەیاند، “پێشوازی لە سەردانەکەی وەزیری دەرەوەی ئۆکراینا بۆ بەغداد دەکەین. عێراق پاڵپشتی ئاگربەست دەکات سەبارەت بە شەڕی ئۆکراینا و ڕووسیا، و هەوڵدەدات بەشێک بێت لە چارەسەر سەبارەت بە شەڕی ڕووسیا و ئۆکراینا لە ڕێگەی گفتوگۆوە”.
ئاماژەی بەوەشدا، “ئۆکراینا وڵاتێکی گرنگی کشتوکاڵی و پیشەسازییە، ئێمە بەردەوامبوونی پەیوەندییەکان لەگەڵیدا دووپات دەکەینەوە”.
فوئاد حوسێن راشیگەیاند، “لەگەڵ وەزیری دەرەوەی ئۆکراینا کۆمەڵێک بابەتی پەیوەست بە ناوچەکە و ڕەهەندەکانی شەڕی ئابووریمان تاوتوێکرد، هەروەها باسمان لە چۆنیەتی بەردەوامبوون و پتەوکردنی پەیوەندییە بازرگانییەکان لەگەڵ ئۆکرانیا کرد”.
لای خۆیەوە دمیترۆ کوڵیبا، وەزیری دەرەوەی ئۆکراینا پشتڕاستیکردەوە کە پەیوەندییەکان لەگەڵ عێراق لە گەشەکردندان.
ئاماژەی بەوەشکرد، “سەردانەکەمان بۆ بەغداد ڕەنگدانەوەی پەرەسەندنی پەیوەندییەکانی نێوان هەردوو وڵاتە. پەیوەندییەکانمان لەگەڵ عێراق لە گەشەکردندایە. سەردانەکەی ئەمڕۆمان بۆ دۆزینەوەی ئەگەری پەرەپێدانی دانوستانەکانی نێوان سەرۆکی ئۆکراینا و سەرۆکوەزیرانی عێراقە”.
وەزیری دەرەوەی ئۆکراینا وتیشی “وڵاتەکەم ئامادە نییە دەستبەرداری یەک مەتر چوارگۆشە لە زەویەکانی بێت، هەروەها وڵاتەکەمان ئامادەیە کار بکات بۆ نۆژەنکردنەوەی هەموو شوێنەکان”.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
4
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
