دوێنێ شەو بە ئامادەبوونی 241 پەرلەمانتار، لە دانیشتنی پەرلەمانی عێراقدا، ماددەی 14ـی پرۆژەیاسای بودجە پەسەندکرا کە تایبەتە بە چۆنیەتی مامەڵەکردن بە داهاتەکانی هەرێم.
لە بڕگەی یەکەمی ماددەی 14ـی پرۆژەیاسای بودجەدا هاتووە، “گشت داهاتی نهوتی فرۆشراوی كێڵگه نهوتییهكانی ههرێم له ههژمارێكی بانكیدا كۆدهكرێنهوه و سهرۆكوهزیرانی ههرێم سهرپشك دهكرێت به خهرجكردنی ئهو داهاته و لهلایهن حكومهتی فیدراڵهوه چاودێری دهكرێت و گشت ئهو ههژمارانهی دیكه دادهخرێن كه بۆ ئهم مهبهسته كراونهتهوه.
بڕگەی دووەم: دیوانی چاودێری دارایی فیدراڵی به ههماههنگی لهگهڵ دیوانی چاودێری دارایی ههرێم به ههماههنگی لهگهڵ وهزارهتی نهوتی فیدراڵی و وهزارهتی سامانه سرووشتییهكانی حکومەتی هەرێم، وردبینی له ژمارەکان دهكهن و چاودێری ئهو گرێبهستانهش دهكرێت كه لهگهڵ كۆمپانیا نێودهوڵهتییهكانی پهیوهست بهم بواره واژۆكراون لهبارهی دهرهێنان و گواستنهوه و ههناردهی نهوتەوە، وهزارهتی دارایی و ئابووریی حکومەتی ههرێمیش ههڵدهستێت به پێداچوونهوهی مانگانە و رهوانهی فهرمانگهی ژمێریاری لە وهزارهتی دارایی فیدراڵی دهکات.
بڕگەی سێیەم: ئەو هەژمارە بانکییەی کە لە بڕگەی (یەکەم)ی سەرەوەدا ئاماژەی پێکراوە، لەگەڵ سەرجەم زانیارییەکانی ناوەوە و بەرهەمەکانی لەلایەن کۆمپانیای وردبینی نێودەوڵەتییەوە وردبینی دەکرێت و راپۆرتی خولیی پێشکەش بە دیوانی چاودێری دارایی فیدراڵی و دیوانی چاودێری دارایی ههرێم دەکرێت.
بڕگەی چوارەم: بەیاننامەی دارایی ساڵانە و نیوە ساڵانە بە واژۆی وەزیری دارایی و ئابووریی حکومەتی هەرێم و وردبینیکەری سەربەخۆ (کۆمپانیای نێودەوڵەتی) پێشکەش دەکرێت و کۆپییەکی پەسەندکراوی دەدرێتە وەزارەتی دارایی فیدراڵی.
بڕگەی پێنجەم: لیژنەیەکی هاوبەش لە هەردوولا پێکدەهێندرێت بۆ ئەنجامدانی پێداچوونەوەی هەمەلایەنە بە ماوەی پێشوو لە هەموو شتێک کە پەیوەندی بە کەرتی نەوت و گازەوە هەیە لە هەرێم و پەیوەندی نێوان وەزارەتی نەوتی فیدراڵی و هەرێم و هاتنە دەرەوە بە دیدگایەک کە بەپێی دەستوور و قبووڵکراوی هەردوولا بێت و بتوانێت بۆ قۆناغی پێشوو یهكلایی بكاتهوه.
بڕگەی شەشەم: ماددەی 14ـشدا ئاماژەی بەوەکراوە، لە چوونە بواری جێبەجێکردنی ئەم یاسایەوە، بڕگەکانی ئەم مادەیە (یهكهم، دووهم، سێیهم، چوارهم، پێنجهم) جێبەجێ دەکرێن و تا دهرچوونی یاسای نهوت و گاز كاری پێدهكرێت.
