وەزارەتی پەروەردەی عێراق بڕیاریدا بە دامەزراندنی 17 هەزار و 267 فەرمانبەری گرێبەستی شاری كەركوک و لەرۆژی 1ی (كانونی دوەم/1)ی ئەمساڵیشەوە بۆیان هەژمار دەكرێت.
بەگوێرەی نوسراوێكی وەزارەتی پەروەردە كە واژۆی د. ئیبراهیم نامس جبوری وەزیری پەروەردەی لەسەرە و ئەمڕۆ 2ی نیسانی 2023 دەرچووە تێیدا هاتوە، بەپشت بەستن بەبڕیاری ئەنجومەنی وەزیرانی عێراق ژمارە 130ی ساڵی 2021 و 315ی ساڵی 2019 بڕیاردرا بە بەهەمیشەییكردنی گرێبەستەكانی وەزارەتی پەروەردە كە ژمارەیان 17 هەزار و 367 گرێبەستە و لیستی ناوەكانیشیان بە ئیمان عەزیز بەرقی محەمەد دەستپێدەكات و بە ئالان ئازاد عەزیز مام رەشید كۆتایی دێت.
ئاماژە بەوەشكراوە، ئەو گرێبەستانە لەسەر میلامی بەڕێوەبەرایەتی گشتی پەروەردەی پارێزگای كەركوک دەبن بەرەچاوكردنی ئەحكامەكانی هەردو ماددەی 7 و 9ی یاسای خزمەتی شارستانی ژمارە 24ی ساڵی 1960.
ئەوەشخراوەتەڕوو، بەهەمیشەییكردنی ئەو گرێبەستانە لەرۆژی 1ی (كانونی دووەم/1)ی 2023ەوە هەژماردەكرێت، سەرجەم ئەو كەسانەش دەگرێتەوە كە پێش 31ی (كانونی یەكەم/12)ی 2022 وەک گرێبەست دامەزراون.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
