بەڕێوەبەرایەتی کەشناسیی و بومەلەرزەزانی هەرێمی کوردستان – عێراق پێشبینییەکانی بۆ کەش وهەوای 48 کاتژمێری داهاتوو خستەڕوو و دەڵێت، ئاسمان ساماڵ و پەڵە هەور دەبێت.
رۆژی یەکشەممە 2ی حوزەیرانی 2025، بەڕێوەبەرایەتیی کەشناسی و بومەلەرزەزانی هەرێمی کوردستان – عێراق ڕایگەیاند: “ئاسمان ساماڵ و پەڵە هەور دەبێت , لە دواى نیوەرۆ و ئێوارە لە ئەنجامى زیادبوونى خێراى با ئەگەرى بەرزبوونەوەى تۆز و خۆڵ هەیە , کاریگەرى ئەم تۆز و خۆڵە لە سەر هەندێ ناوچەى دەشتاى و ناوچە کراوەکان بەرووى خێراى با زیاتر دەبێت”.
کەشناسی لەبارەی پلەکانی گەرما پێشبینی کردووە: “پلەکانی گەرما دوو بۆ سێ پلە نزم دەبێتەوە بەراورد بە تۆمارەکانی دوێنێ”.
بەڕێوەبەرایەتی کەشناسی و بومەلەرزەزانی هەرێم پێشبینی دەکات سبەی سێشەممە 3ی حوزەیرانی 2025: ” ئاسمان ساماڵ و پەڵە هەور دەبێت”.
ئەو بەڕێوەبەرایەتییە پێشبینی دەکات سبەی پلەی گەرما یەک بۆ دوو پلە دادەبەزێت بەراوورد بە ئەمڕۆ.
پلەی گەرمای تۆمارکراو لە شار و شارۆچکەکانی هەرێمی بەم شێوەیەیە:
هەولێر (ئەربیل) : 36 پلە
سلێمانی : 35 پلە
دهۆک : 34 پلە
زاخۆ : 36 پلە
هەڵەبجە :35 پلە
سۆران : 34 پلە
حاجی ئۆمەران : 24 پلە
