له گوندێكی سنووری پارێزگای كه‌ركوک، به‌هۆی بارینی رێژه‌یه‌كی زۆری بارانه‌وه، خانوویه‌ک رووخا و به‌هۆیه‌وه دایک و دوو له منداڵه‌كانی گیانیان له‌ده‌ستدا.
ئه‌مڕۆ پێنجشه‌ممه 09-03-2023، وته‌بێژی پۆلیسی كه‌ركوک به میدیا خۆجێیەکانی راگه‌یاند، له ئه‌نجامی باران بارینی به‌خوڕه‌وه له گوندی باجوان، خانوویەکی قوڕ بەسەر خێزانێکدا رووخا و به‌هۆیه‌وه و دایكێک و دوو له منداڵه‌كانی كه كوڕ و كچێک بوون، گیانیان لەدەستدا.
به‌گوێره‌ی زانیارییه سەرەتاییەکان ئه‌وانه‌ی كه گیانیان له‌ده‌ستداوه، بریتین له (سه‌راب فه‌خری مه‌حمودی ته‌مه‌ن 41 ساڵ، عه‌لی حه‌سه‌ن خزری 2 ساڵ و مه‌یار حه‌سه‌ن خزری 4 ساڵ).
وته‌بێژی پۆلیسی كه‌ركوک ئه‌وه‌شی خسته‌ڕوو، له گوندی باجوان به‌هۆی بارینی رێژه‌یه‌كی زۆره‌وه، لافاو دروستبووه و مه‌ترسی رووخان له‌سه‌ر چه‌ند خانوویه‌كی دیكه‌ش دروستبووه.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
