سندوقی دراوی نێودەوڵەتی رایدەگەیەنێت، پێشبینی دەکرێت داهاتی نانەوتی حکومەتی عێراقی لەمساڵدا بەراورد بە ساڵانی رابردوو بەرزببێتەوە.
سندوقی دراوی نێودەوڵەتی راگەیەندراوێکی بڵاوکردەوە و تێیدا هاتوە، داهاتی نانەوتی حکومەتی عێراق لە ساڵی 2022دا گەیشتوتە 4.7% و لەساڵی 2020دا 4.4% بوە و لە ساڵی 1990 بۆ 2000 بە تێکڕایی داهاتی نانەوتی 5.5% بووە.
لە درێژەی راگەیەندراوەکەدا سندوقی دراوی نێودەوڵەتی دەڵێت: بەرزبوونەوەی بەهای داهاتی نانەوتی لە بەرهەمی ناوخۆدا لە عێراقدا بۆ ئەمساڵ 5.2% بووە و ئەمەش دەرخەری ئەوەیە کە لە ماوەی سێ مانگی یەکەمی ئەمساڵدا داهات زۆر زیاترە بەراورد بەساڵی رابردوو.
سندوقی دراوی نێودەوڵەتی راشیگەیاند: عێراق لەڕووی داهاتی نانەوتییەوە لەسەر ئاستی وڵاتانی عەرەبی کەمترین داهاتی هەیە و بەپێچەوانەوە کوێت بەرزترین داهاتی هەیە و لەساڵی ڕابردوودا داهاتەکەشی گەیشتوەتە 39.3%
