محەمەد شیاع سوودانی، سه‌رۆك وه‌زیرانی عێراق رایگه‌یاند، بەندەری گەورەی فاو چالاکیەکانی وزە و بازرگانی و پەیوەندییەکان و ئاڵوگۆڕی تێدا چڕبووەتەوە، هەروەها بەشدار دەبێت بۆ گۆڕینی عێراق لە وڵاتێکی پێویستی بە بەندەری دیكه بۆ وڵاتێکی دەریایی کراوە بەڕووی کەنداوەوە، ده‌شڵێت، ئێستا “عێراق کۆڵەکەیەکی سەرەکی ئابووری جیهانە و بەشێکی مێژوویی و ڕێڕەوێکی گرنگە بۆ ئاڵوگۆڕی نێودەوڵەتی”.
محەمەد شیاع سوودانی ئه‌مڕۆ پێنجشه‌ممه سەرپەرشتی ڕێوڕەسمی ڕادەستکردنی پێنج شۆستەی بەندەری گەورەی فاوی کرد لە پارێزگای بەسرە و کارپێکردنی، دوای ئەوەی لەلایەن کۆمپانیای کۆرییەوە تەواوکرا، رایگه‌یاند، “ئەم پڕۆژەیە بە ڕاستی چووەتە ناو گرێ و ڕێڕەوەکانی بازرگانی جیهانی و ڕێگاکانی گواستنەوەوە، کە بەڕۆژهەڵاتی ناوەڕاستدا تێدەپەڕێت و گرنگییەکی ستراتیژی گەورەی هەیە، بۆ بازرگانی جیهانی و بە دیارترین حەوزی ئاوی جیهان دادەنرێت”.
ئاماژه‌ی به‌وه‌شكرد، پڕۆژه‌كه چالاکیەکانی وزە و بازرگانی و پەیوەندییەکان و ئاڵوگۆڕی تێدا چڕبووەتەوە بەهەموو شێوەکانییەوە، هەروەها بەشدار دەبێت بۆ گۆڕینی عێراق لە وڵاتێکی پێویستی بە بەندەری دیكه بۆ وڵاتێکی دەریایی کراوە بەڕووی کەنداوەوە.
سوودانی باسی له‌وه‌شكرد، گەشەپێدان و گواستنەوەی ئابووری بە شێوازێکی یەکخراوە دادەنرێت، کە پێداویستییەکانی وڵات و ئەو هێزە ئابوورییە گرنگانەی، کە بۆ پەیوەندی عێراق لەگەڵ بازرگانی نێودەوڵەتی دابین دەکات.
وتیشی، “عێراق کۆڵەکەیەکی سەرەکی ئابووری جیهانە و بەشێکی مێژوویی و ڕێڕەوێکی گرنگە بۆ ئاڵوگۆڕی نێودەوڵەتی، ڕێگای گەشەپێدان، کە لە بەندەری گەورەی فاوـەوە دەستپێدەکات، ئابووری زۆربەی وڵاتانی ناوچەکە بەیەکەوە دەبەستێتەوە، هەروەها دەبێتە دەروازەیەک بۆ گەیشتن بە یەکگرتنی ئابووری”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
