به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی رایگه‌یاند، ئه‌مڕۆ هه‌ینی ئاسمان ساماڵ و پەڵە هەور دەبێت و سبه‌ی شه‌ممه خێرایی با زیاد ده‌كات.
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان-عێراق رایگه‌یاند، ئه‌مڕۆ هه‌ینی ئاسمان ساماڵ و پەڵە هەور دەبێت لەهەندێ ناوچە نیمچە هەور دەبێت، پلەکانی گەرما بەرز دەبێتەوە بە ( 1 – 2 ) پلە بەراورد بە تۆمارکراوەکانى دوێنێ.
ئاماژه‌ی به‌وه‌شكرد، خێرایی با لە سەرخۆ و مامناوەند دەبێت و له نێوان 10 بۆ 20 كیلۆمه‌تر ده‌بێت، ئاڕاستەی با باكووری خۆرهەڵات دەبێت.
كه‌شناسی باسی له‌وه‌شكرد، سبەی شەممە ئاسمان ساماڵ و پەڵە هەور دەبێت و پلەکانی گەرما بە نزیكەی 1 تـا 3 پلە نزمتر دەبێت لە تۆمارکراوەکانى ئەمڕۆ، خێرایى با مامناوەند دەبێت (15 – 25 ) كیلۆمه‌تر ده‌بێت.
هەولێر: 35 پلەى سیلیزى
سلێمانی: 33 پلەى سیلیزى
دهۆک: 35 پلەى سیلیزى
هەڵەبجە: 35 پلەى سیلیزى
زاخۆ: 36 پلەى سیلیزى
حاجی ئۆمەران : 19 پلەى سیلیزى
سۆران: 34 پلەى سیلیزى
گەرمیان: 37 پلەى سیلیزى
