نێچیرڤان بارزانی: هەرچی زووە هەنگاو بنرێت بۆ ئەنجامدانی هەڵبژاردن لە هەرێم
  • TEBA KURDİ
  • رۆژەڤ
  • نێچیرڤان بارزانی: هەرچی زووە هەنگاو بنرێت بۆ ئەنجامدانی هەڵبژاردن لە هەرێم

نێچیرڤان بارزانی: هەرچی زووە هەنگاو بنرێت بۆ ئەنجامدانی هەڵبژاردن لە هەرێم

نێچیرڤان بارزانی سەرۆكی هەرێم، كۆمیسیۆنی باڵای سەربەخۆی هەڵبژاردنەکانی لە عێراق راسپارد كه‌ هەرچی زووە هەنگاو بنێت بۆ ئەنجامدانی هەڵبژاردن لە هەرێمی كوردستان.

حوزه‌یران 15, 2023 18:07
نێچیرڤان بارزانی: هەرچی زووە هەنگاو بنرێت بۆ ئەنجامدانی هەڵبژاردن لە هەرێم
0

لایک

بەگوێرەی ئەو راگەیەندراوەی کە لە سەرۆکایەتی هەرێم بڵاوکراوەتەوە، نێچیرڤان بارزانی له‌گه‌ڵ كۆمیسیۆنی باڵای سەربەخۆی هەڵبژاردنەکانی لە عێراق كۆبووەوە كە لەسەر بانگهێشتیان بۆ گفتوگۆكردن و هەنگاوەكانی ئامادەكاریی هەڵبژاردنی داهاتووی پەرلەمانی كوردستان، سەردانی هەولێریان كردووە.

لە كۆبوونەوەكەدا كە جینین هێنیس پلاسخارت، نوێنەری تایبەتیی سکرتێری گشتیی نەتەوەیەکگرتووەکان لە عێراق، جێگرانی سەرۆكی هەرێم، تیمێكی پسپۆڕی یۆنامی و سەرۆك و ئەندامانی ئەنجوومەنی كۆمیسیارانی كۆمیسیۆنی باڵای سەربەخۆی هەڵبژاردنەکان لە عێراق ئامادەی بوون، نێچیرڤان بارزانی دووپاتی كردەوە كە هەرچی زووە هەنگاو بنرێت بۆ ئەنجامدانی هەڵبژاردنی هەرێمی كوردستان، هه‌روه‌ها ئامادەییی سەرۆكایەتیی هەرێم و حكومەت و سەرجەم لایەنە پەیوەندیدارەكانی هەرێم بۆ سەرخستنی پرۆسەكە دەربڕی.

لای خۆیەوە، جینین پلاسخارت و تیمی یۆنامی پشتیوانیی خۆیان بۆ هەنگاوەكانی نێچیرڤان بارزانی راگەیاند و ئامادەییان نیشان دا بۆ پێشكەشكردنی هاوكاری بۆ ئەنجامدان و سەرخستنی هەڵبژاردن.

دواتر سەرۆكی كۆمیسیۆنی باڵای سەربەخۆی هەڵبژاردنەکان لە عێراق و ئەندامانی ئەنجوومەنی كۆمیسیاران، سوپاسی سەرۆكی هەرێمیان كرد بۆ بانگهێشت وگرنگیدان بە راگۆڕینەوە و گفتوگۆ، هەروەها ئامادەییان نیشان دا بەپێی یاسا و دوای دەستەبەركردنی پێداویستییەكان و رێككەوتن لەسەر كاتێكی گونجاو، هەڵبژاردنی هەرێم بەرێوە ببەن.

لەوبارەیەوە بڕیار درا لە پەیوەندیی بەردەوامدا بن بەمەبەستی دیاریكردنی وادەیەك بۆ ئەنجامدانی هەڵبژاردن.

En az 10 karakter gerekli