بکوژانی کرێکارەکەی عەلوەی هەولێر (ئەربیل) لەلایەن ئاسایشەوە دەستگیر کران

0

لایک

0

ئاسایشی هەولێر (ئەربیل) بکوژی کرێکارەکەی عەلوەی هەولێر (ئەربیل)ی دەستگیرکرد و ڕایگەیاند: پێنج ساڵ پێش ئێستا کێشەیەکی کۆمەڵایەتییان هەبووە.

ئەمڕۆ سێشەممە، ٢٦ـی ئابی ٢٠٢٥، بەڕێوەبەرایەتیی ئاسایشی هەولێر (ئەربیل)  لە ڕاگەیەندراوێکدا بڵاویکردەوە، لە ڕووداوێکی تەقەکردندا لە بازاڕی عەلوەی شاری هەولێر (ئەربیل)  هاووڵاتیەکی بە نەتەوە عەرەب بەناوی (سعب عاید سمر)  پیشەی کرێکارە کوژرا.

ئاسایشی هەولێر (ئەربیل)  ئاماژەی بەوە کردووە، دەست بەجێ لە لایەن تیمەکانمان بە دواداچوون بۆ ڕووداوەکە کرا و دەرکەوت تۆمەتبارەکان لە چوار کەس پێکهاتوون، دوای ئەنجامدانی تاوانەکەیان بەرەو دەرەوەی شاری هەولێر (ئەربیل)  هەڵاتون، هەربۆیە بە هەماهەنگی لەگەڵ بەڕێوەبەرایەتی ئاسایشی بازگەکانی هەولێر (ئەربیل) ، دوای وەر گرتنی ڕەزامەندی دادوەری لێکۆڵینەوەی ئاسایشی هەولێر (ئەربیل)  ، تۆمەتبارەکانمان دەستگیر کرد، بەناوەکانی(ز ، خ ، س) و(س ، د ، س) و (ح ، خ ، س) و (م ، ع ، د)،کە لە نەتەوەی عەرەب و نیشتەجێی شارەدێی ڕەبیعەی سەر بە پارێزگای موصلن.

هەروەها بەهۆی هەبونی کێشەیەکی کۆمەڵایەتیی بۆ پێنج ساڵ پێش ئێستا دەگەڕێتەوە، ئەم تاوانەیان ئەنجامداوە،لە دوای ئەنجامدانی تاوانەکەیان بەنیازبوون بگەڕێنەوە ناوچەکەی خۆیان، لەکاتی دەستگیر کردنیاندا دەستمان گرت بەسەر ئەو چەک و ئۆتۆمبیلەی تاوانەکەیان پێ ئەنجامداوە.

ڤیدیۆی ساتی ئەنجام دانی تاوەنەکە:-