وەزارەتی دارایی و ئابووری حکومەتی هەرێمی کوردستان رایگەیاندووە، سبەی یەکشەممە 6/8/2023، مووچەی یەکەی 70 و 80ی هێزی پێشمەرگە و وەزارەتی دارایی و ئابووری دابەش دەکرێت.
وەک لە خشتەی وەزارەتی دارایی هاتووە، رۆژی دووشەممە 7/8/2023، مووچەی وەزارەتی ناوخۆ، بەڕێوەبەرایەتی دام و دەزگا نەوتییەکان، بەڕێوەبەرایەتی گشتی رەگەزنامە، هێزی زێرەڤانی و فەرماندەی بەرگری فریاکەوتن دابەش دەکرێت.
رۆژی سێشەممە، مووچەی کەسوکاری شەهید و ئەنفالکراوان، خاوەن پێداویستی تایبەت، زیندانیە سیاسییەکان، وەزارەتی شەهیدان و ئەنفالکراوان، وەزارەتی پەروەردە و ئەنجومەن و دەزگای ئاسایش دابەشدەکرێت.
