لەبارەی تاقیکردنەوەی نیشتیمانییەوە وەزارەتی پەروەردە داوا لە خوێندکاران دەکات، خۆیان بەدوور بگرن لە ئەنجامدانی گزیکردن لە کاتی تاقیکردنەوەکاندا و بەو لاپەڕانەی سۆشیاڵ میدیا فریو نەخۆن کە ئامێری گزیکردن دەفرۆشن. دەشڵێت، لەحاڵەتی لەو جۆرەدا رووبەڕووی سزای یاسایی دەکرێنەوە.
وەزارەتی پەروەردەی حکومەتی هەرێمی کوردستان-عێراق رایگەیانووە، لە چوارچێوەی ئامادەکارییەکان بۆ بەڕێوەچوونی تاقیکردنەوەی نیشتیمانی و تاقیکردنەوە گشتییەکان، ئامادەسازیی دەکەن بۆ رووبەڕووکردنەوەی هەموو ئەو تۆمەتبارانەی لە رێگای سۆشیاڵ میدیاوە دەیانەوێت قوتابیان و خوێندکاران فریو بدەن.
ئاماژەی بەوەشکردووە، یەکێک لەو لاپەڕانەی لە سۆشیاڵ میدیادا هەن داوای یاسایی لەسەر تۆمارکراوە و لەسەر سکاڵای وەزارەتی پەروەردە دەستگیرکراون.
ئەوەش هاتووە، وەزارەتی پەروەردە داوا لە قوتابیان و خوێندکاران دەکات بەهەموو جۆرێک دوور بن لەو جۆرە فریودانانە و ئەوانە بێ ئەنجامن.
دەشڵێت، هەر کەسێکیش ئەو کارانە بکات رووبەڕوی یاسا دەکرێتەوە، ئەگەر پاش تەواوبوونی پڕۆسەی تاقیکردنەوەکانیش بێت.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
