سێ ڕۆژە نەخۆشیی سكچوون و ڕشانەوە لە قەزای شارەزوور بڵاوبووەتەوە، ئاماری تووشبووان بەردەوام لە زیادبوونە و زۆرینەیان منداڵن.
بە پێی زانیارییەکان، ژمارەی تووشبووانی سکچوون و ڕشانەوە لە سنووری قەزای شارەزوور گەیشتووەتە نزیکەی هەزار و 500 کەس و ژمارەکە لە زیادبوونە.
هەروەها نەخۆشخانەی شەهید ڕەئوف بەگ، نەخۆشخانەی گشتیی قەزاكەیە و زۆرینەی تووشبووەكان براون بۆ ئەو نەخۆشخانەیە، بەڵام بەهۆی بچووكیی نەخۆشخانەكە و كەمیی شوێنی خەواندن، زۆرینەی نەخۆشەكان خێرا دەرمانیان دراوەتێ و ڕەوانەی ماڵەوە كراونەتەوە.
ڕزگار غەفوور، قایمقامی شارەزوور ڕایگەیاند، بەدواداچوونیان كردووە و دەركەوتووە هۆكاری بڵاوبوونەوەی نەخۆشییەكە، لافاوی چەند ڕۆژی ڕابردووە كە بووەتە هۆی پیسبوونی ئاوی خواردنەوەی ماڵان.
ژمارەی تووشبوان زیاترە لەوەی تۆمارکراوە، بەهۆی ئەوەی بەشێک لە تووشبووەکان نەچوونەتە نەخۆشخانەی گشتیی قەزاکە و لە نۆرینگەکان چارەسەریان وەرگرتووە، بەشێکی دیکەشیان چوونەتە هەڵەبجە و سلێمانی.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
