لە لێدوانەکەیدا لە نیویۆرک، ئانالینا بایربۆک، وەزیری دەرەوەی ئەڵمانیا جارێکی دیکە کاردانەوەی نیشاندا بەرامبەر بە لەسێدارەدانی جەمشید شەرمهد هاووڵاتیی ئێرانی-ئەڵمانی لەلایەن ئێرانەوە، کە گوایە سەرۆکی ڕێکخراوێکی دژە ڕژێمی ئەمریکا بووە و تۆمەتبارکراوە بە ئەنجامدانی کردەوەی تیرۆریستی لەو وڵاتە .
بایربۆک ڕایگەیاند کە چەندین جار بە ڕوونی بۆ تارانیان ڕاگەیاندووە کە لەسێدارەدانی هاووڵاتییەکی ئەڵمانی دەرئەنجامی جددی دەبێت و وتی، “لەبەر ئەم هۆکارە بڕیارمدا 3 کونسوڵخانەی گشتی ئێران لە فرانکفۆرت، میونشن و هامبۆرگ دابخەم”.
بایربۆک ئاماژەی بەوەشکرد، باڵیۆزخانەی ئەڵمانیا لە تاران بە کراوەیی دەمێنێتەوە، “چونکە داخستنی ئەوان گەورەترین چاکە دەبێت کە دەتوانین بەرامبەر بەم جۆرە ڕژێمانە بیکەین”.
32 بەرپرسی کونسوڵخانەی ئێران کاریگەری ئەم دۆخەیان لەسەر دەبێت و ئەگەر ڕەگەزنامەی ئەڵمانییان نەبێت مافی مانەوەیان لەدەست دەدەن و ناچارن وڵات بەجێبهێڵن.
حکومەتی ئەڵمانیا تا ئێستا تەنها جارێک پەنای بۆ ئەو جۆرە ڕێوشوێنە سزایانە بردووە، ئەویش بە داخستنی چوار کونسوڵخانەی گشتی ڕووسیا لە ئەنجامی هێرش بۆ سەر ئۆکرانیا.
بەڵام باڵوێزخانەی ئێران لە بەرلین بە کراوەیی دەمێنێتەوە و 300 هەزار ئێرانی لە ئەڵمانیا دەتوانن لەوێ بەردەوام بن لە وەرگرتنی خزمەتگوزاری کونسوڵگەری.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
پاکستان… لە رووداوێکی هاتووچۆدا نزیکەی 60 کەس بوونە قوربانی
5
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
