مەسرور بارزانی سەرۆکی حکومەتی هەرێمی کوردستان لەپەیامێکدا بەبۆنەی ساڵیادی ئەنفالەوە داوایکرد، حکومەتی عێراق قەرەبوی کەسوکاری ئەنفالکراوان بکاتەوە و راشیگەیاند، “داواشدەکەین هاوکاریی حکومەتی هەرێمی کوردستان بکات بۆئەوەی بە شێوەیەکی باشتر، بتوانێت خزمەتی کەسوکاری سەربەرزی شەهیدان بکات”.
مەسرور بارزانی لەپەیامێکدا بڵاویکردەوە، “ئەمڕۆ بە دڵێکی پڕ لە خەم و کۆڤانەوە، یادی شەهیدان و قوربانیانی شاڵاوە بەدناوەکانی (ئەنفال) دەکەینەوە، کە یەکێک بو لە دڕندانەترین شێوازی جینۆساید دژی گەلی کورد و کوردستانیان، سی و پێنج ساڵ لەمەوبەر، ڕژێمی بەعسی عێراق، بە چەند قۆناغێکی جیا، بە هەزاران خەڵکی سیڤل و بێتاوانی گوند و ناوچە جیاجیاکانی کوردستانی ڕاپێچ کرد و لە بیابانەکانی باشور و ناوەڕاستی عێراق زیندەبەچاڵی کردن و بەشێکی زۆریان تا ئێستاش بێسەر و شوێنن و چارەنوسیان نادیارە”.
تاوانی ئەنفال، جینۆسایدێکی دڕندانە بو نەک تەنیا دژی گەلی کوردستان، بەڵکو دژی هەمو بەها مرۆیی و ئەخلاقییەکان بو
ئاماژەی بەوەشکردوە، تاوانی ئەنفال، جینۆسایدێکی دڕندانە بو نەک تەنیا دژی گەلی کوردستان، بەڵکو دژی هەمو بەها مرۆیی و ئەخلاقییەکان بو، کە بە داخەوە لێکەوتە و دەرهاویشتە هەمەلایەنەکانی ئەم تاوانە هۆڤانەیە، هەر ماون و برینەکان تا ئێستاش ساڕێژ نەبون”.
داوا لە حکومەتی عێراق دەکەین ئەرک و بەرپرسیاریەتیی ئەخلاقی و دەستوریی خۆی جێبەجێ بکات و زیانلێکەوتوان قەرەبوبکاتەوە
مەسرور بارزانی ئەوەشیخستۆتەڕو، ”لەم یادە خەمگینەدا، کە بەشێکە لە زنجیرەیەک تاوان کە بەرامبەر گەلی کوردستان ئەنجام دراون، داوا لە حکومەتی عێراق دەکەین ئەرک و بەرپرسیاریەتیی ئەخلاقی و دەستوریی خۆی جێبەجێ بکات و زیانلێکەوتوان و بنەماڵە و کەسوکاری ستەملێکراوی دەستی ڕژێمی پێشوی عێراق، بە شێوەیەکی شایستە قەرەبو بکاتەوە و هاوکاریی حکومەتی هەرێمی کوردستان بکات بۆئەوەی بە شێوەیەکی باشتر، بتوانێت خزمەتی کەسوکاری سەربەرزی شەهیدان بکات”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
