دژەتیرۆری عێراق: ئامادەین بەرەنگاری هەموو جۆرە رێکخراوێکی تیرۆریستی ببینەوە
  • TEBA KURDİ
  • عێراق
  • دژەتیرۆری عێراق: ئامادەین بەرەنگاری هەموو جۆرە رێکخراوێکی تیرۆریستی ببینەوە

دژەتیرۆری عێراق: ئامادەین بەرەنگاری هەموو جۆرە رێکخراوێکی تیرۆریستی ببینەوە

حوزه‌یران 21, 2023 14:12
دژەتیرۆری عێراق: ئامادەین بەرەنگاری هەموو جۆرە رێکخراوێکی تیرۆریستی ببینەوە
0

لایک

عەبدولوەهاب سەعدی سەرۆکی فەرماندەیی دژەتیرۆری عێراق رایگەیاند، “ئەگەر محەمەد شیاع سوودانی، سەرۆکوەزیرانی عێراق رێنماییمان پێ بدات، هاوشێوەی رێکخراوە تیرۆریستییەکانی دیکە ئۆپەراسیۆن بۆ سەر پەکەکەیش ئەنجام دەدەین”.

سەعدی لە میانی کۆنگرەیەکی رۆژنامەوانیدا لە بەغداد لە وەڵامی پرسیاری “ئایا ئۆپەراسیۆن بۆ سەر رێکخراوی تیرۆریستی پەکەکە لە باکووری عێراق ئەنجام دەدەن”، رایگەیاند، “وەک فەرماندەییی دژەتیرۆری عێراق ئامادەین بەرەنگاری هەموو جۆرە رێکخراوێکی تیرۆریستی ببینەوە. ئەگەر محەمەد شیاع سودانی، سەرۆکی هێزە چەکدارەکان و سەرۆکوەزیرانی عێراق رێنماییمان پێ بدات ئامادەین (ئۆپەراسیۆن بۆ سەر پەکەکە) هەموو ئەرکێک ئەنجام بدەین. فەرماندەیییەکەمان لە هەموو شارەکان چالاکە”.

سەرۆکی فەرماندەیی دژەتیرۆری عێراق ئاماژەی بە هەماهەنگیی هێزەکانیان لەگەڵ هێزەکانی پێشمەرگەدا کرد و وتی “یەکەی سەربازیی سەر بە فەرماندەیییەکەمان لە هەولێر و سلێمانی دادەمەزرێنین. 40 تیرۆریست لە هەولێرەوە رادەستمان کراون. بۆ ئۆپەراسیۆنەکانمان لە هەماهەنگییەکی باشداین لەگەڵ حکوومەتی هەرێمی کوردستان”.

En az 10 karakter gerekli