دوا بەدوای هێرشە مووشەکیەکانی روسیا بۆ سەر ئۆکرانیا نرخی نەوت بە شێوەیەکی بەرچاو بەرزبووەوە و ئەمڕۆ بەهۆی پشووی بازاڕە جیهانییەکان نرخی یەک بەرمیل نەوتی خاوی برێنت 75 دۆلار و 17 سەنتە و جێگیرە .
ئەمڕۆ یەکشەممە، نرخی بەرمیلێک نەوتی خاوی تەکساس بە 71 دۆلار و 24 سەنت مامەڵەی پێوەدەکرێت، بەراورد بە رۆژی رابردووش نرخەکەی بەرزبووەتەوە.
هەروەها ئەوەش لە کاتێکدایە، بەهۆی ئاڵۆزبوونی جەنگی روسیا- ئۆکرانیاوە نرخی نەوت بەشێوەیەکی بەرچاو بەرز بووەتەوە و لە ماوەی یەک هەفتەدا 4٪ـی نرخەکەی بەرزبووەتەوە.
هاوکات، بڕیارە لە سەرەتای مانگی کانوونی دووەمی ئەمساڵدا کێڵگەی نەوتی تەنگیز کە گەورەترین کێڵگەی کازاخستانە، بگەڕێتەوە بۆ توانای بەرهەمهێنانی تەواو و وەزارەتی وزەی کازاخستان ڕایگەیاندووە بەنیازە لە ساڵی 2025دا 90 ملیۆن تۆن نەوت بەرهەم بهێنێت، لە کاتێکدا لە ساڵی 2024دا 88 ملیۆن تۆن نەوت بەرهەمبهێنێت.
