سەرچاوەیەک لە حکومەتی هەرێمی کوردستان-عێراق ڕایگەیاند لێکتێگەیشتنی باش لە نێوان حکومەتی هەرێم و بەغداد هاتووەتە ئاراوە بۆ چارەسەرکردنی کێشەی مووچە و پێدەچیت سبەینێش لیستی مووچە ڕابگەیەندرێت.
ئەمڕۆ شەممە، میدیای پارتی لە زاری سەرچاوەیەکی ئەنجومەنی وەزیرانەوە بڵاویکردەوە کە “لێکتێگەیشتنی زۆر باش لەنێوان هەردوو حکومەتی هەرێمی کوردستان و عێراق لەبارەی کێشە تەکنییەکانی تایبەت بە پرسی مووچە هەیە.”
وتیشی: “ئەگەر ئەمڕۆ بگەینە ڕێککەوتنی کۆتایی لەگەڵ وەزارەتی دارایی عێراق، سبەی یەکشەممە، لیستی مووچەی مانگی تەمووز بڵاو دەکەینەوە.”
لە کاتێکدا کە سبەینێ مانگی ئەیلوول دەستپێدەکات، تا ئێستا مووچەی مانگی تەمووزی فەرمانبەرانی هەرێمی کوردستان-عێراق دابەش نەکراوە.
