بەرەی تورکمانی رایگەیاند، دوای رەتکردنەوەی پێکهێنانی حکومەتی خۆجێیی و هەڵبژاردنی پارێزگای کەرکووکیان رەتکردەوە، رووبەڕووی هێرشێکی توندی میدیایی بوونەتەوە و جەختیش دەکەنەوە، رۆژی سێشەممە، خۆپیشاندانێکی جەماوەری فراوان رێکدەخەن.
ئێوارەی ئەمڕۆ دووشەممە، 12 ئابی 2024، بەرەی تورکمانی عێراقی لە راگەیەندراوەکەدا ئاماژەی بەوەکردووە، کە خۆیان بە بەرگریکاری پێکهاتەی تورکمانی دەزانن و ئەو شەرعیەتییەشیان لە خەڵکی خۆیانەوە وەرگرتووە و باسیان لەوەشکردووە: کێشەی ئەوان سنووردرا نییە بە پۆستێک و ئامانجێکی کەسییەوە، بەڵکوو بەرگری لە مافە نەتەوەییەکانیان دەکەن.
بەرەی تورکمانی ئەوەشی رەتکردووەتەوە، ئەوان پەنا بۆ بەکارهێنانی زمانی ناشرین نابەن و هەوڵەکانیان بەردەوام دەبێت بۆ جێبەجێکردنی یاسا و پاراستنی مافی هەموو پێکهاتەکان.
هاوکات بەرەی تورکمانی رایگەیاندووە سبەینێ سێشەممە 13ـی ئابی 2024 کاتژمێر 6:00ـی ئێوارە، لە بەردەم باڵەخانەی پارێزگای کەرکووک، خۆپیشاندانێکی جەماوەری فراوان بۆ رەتکردنەوەی دەرئەنجامەکانی کۆبوونەوەکەی بەغداد لە بارەی هەڵبژاردنی پارێزگاری کەرکووک، رێکدەخەن.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
5
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
