کارنامەی دانیشتنی رۆژی چوارشەممەی ئەنجومەنی نوێنەرانی عێراق بڵاوکرایەوە و پرسی داعشە گوازراوەکان بۆ عێراق تاوتوێ دەکات.
فەرمانگەی راگەیاندنی ئەنجومەنی نوێنەرانی عێراق کارنامەی دانیشتنی ڕۆژی چوارشەممە بڵاوکردەوە و لە بڕگەی یەکەمدا، پێداچوونەوە بەو تانانە دەکات سەبارەت بە دروستی هەندێک لە پەرلەمانتاران پێشکەشکراون.
لەتەوەرێکی دیکەی کۆبوونەوەکەدا، بە ئامادەبوونی وەزیری داد، بریکاری وەزیری ناوخۆ بۆ کاروباری هەواڵگری و جێگری فەرماندەی ئۆپراسیۆنە هاوبەشەکان، گفتوگۆ لەسەر بابەتی زیندانییە گوازراوەکان بۆ عێراق دەکرێت.
تەوەری سێیەمی کۆبوونەوەکەش تایبەت دەبێت بە گفتوگۆی گشتی، هاوکات ئاماژە بەوەکراوە کۆبوونەوەکە سەعات ١١ـی پێشنوەڕۆ بەڕێوەدەچێت.
