بهشێك له مووچهی مانگی حەوت له بهغدادەوه رهوانهكرا سهرچاوهیهكی ئاگادار لهوهزارهتی دارایی ههرێم رایگهیاند، ئهمڕۆ سێشهممه حكومهتی عێراق 550 ملیار دیناری بۆ مووچهی مانگی تهمموزی موچهخۆرانی ههرێم رهوانه كرد.
بهگوێرهی زانیارییە ناوخۆییەکان، بەفەرمانی محهمهد شیاع سودانی سەرۆک وەزیرانی عێراق، ئهمڕۆ سێشهممه وەزارەتی دارایی عێراق، بڕی 550 ملیار دیناری بۆ موچهی مانگی تهمموزی رهوانهی ههرێم كرد كه ئهمهش بهشێكه لهبڕی مووچهی پێویست بۆ مووچهخۆرانی ههرێم كه مانگانه پێویستی به زیاتر له 950 ملیار دینار ههیه.
دوێنێ شاخهوان عهبدوڵا جێگری دووهمی سهرۆكی پهرلهمانی عێراق رایگهیاند، محەمەد شیاع سوودانی، سەرۆک وەزیرانی عێراق فهرمانیكردوه مووچەی مانگەکانی تهمموز و هەشتی هێزە ئەمنییەکانی هەرێمی کوردستانی تا ههفتهی داهاتوو خەرجبكات
