ئەنجومەنی وەزیرانی عێراق بڕیاریدا تا کۆتایی ئەمساڵ مووچەی فەرمانبەرانی ھەرێم بنێردرێت و موچە راگیراوەکانیش خەرج بکرێت.
سەرچاوەیەک لە ئەنجومەنی وەزیرانی عێراق بە میداکانی راگەیاند، لە کۆبوونەوەی ئەنجومەنی وەزیران راسپاردەی کۆبوونەوەکانی لیژنەی وەزاریی ئابوری عیراق و ھەرێم پەسەندکراوە و بڕیاردراوە لەسەر ناردنی مووچەی فەرمانبەرانی ھەرێم تا کۆتایی ئەمساڵ تا کێشەکان چارەسەر دەکرێن.
وتیشی، ئەنجومەنی وەزیران بڕیاریداوە مووچە ڕاگیراوەکانی هەرێم لە مانگی شوباتەوە تا مانگی ئاب بنێرێت و مووچەی ئەو فەرمانبەرانەش خەرج بکرێت کە بەھۆی نەبوونی بایۆمەترییەوە مووچەکانیان راگیرابوو.
سەرچاوەکە باسی لەوەشکرد، بڕیاردراوە لیژنەیەکی ھاوبەش لەنێوان ھەرێم و بەغداد پێکبھێنرێت و تا کۆتایی ئەمساڵ کێشەی میلاکاتی فەرمانبەران چارەسەربکەن.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
