وتەبێژی پارتی: ئامادەکارییەکانمان بۆ هەڵبژاردنی پەرلەمان دەست پێ دەکەین
  • TEBA KURDİ
  • رۆژەڤ
  • وتەبێژی پارتی: ئامادەکارییەکانمان بۆ هەڵبژاردنی پەرلەمان دەست پێ دەکەین

وتەبێژی پارتی: ئامادەکارییەکانمان بۆ هەڵبژاردنی پەرلەمان دەست پێ دەکەین

حوزه‌یران 26, 2024 16:56
وتەبێژی پارتی: ئامادەکارییەکانمان بۆ هەڵبژاردنی پەرلەمان دەست پێ دەکەین
0

لایک

دوای دیاریکردنی رۆژی 20ـی 10ـی 2024 بۆ بەڕێوەچوونی هەڵبژاردنی پەرلەمانی كوردستان، وتەبێژی پارتی رایگەیاند، ئامادەکارییەکانیان بۆ هەڵبژاردن دەستپێدەکەن.

مەحمود محەمەد وتەبێژى پارتى دیموکراتى کوردستان راگەیەندراوێکى بڵاوکردەوە و رایگەیاند، پارتى هەوڵیداوە پێشتەواوبوونى وادەی یاساىى پەرلەمانى کوردستان رێکارەکان بۆ هەڵبژاردنى پەرلەمانى کوردستان دەستپێبکات، بەڵام ئاستەنگ دروستکراوە، بۆیە لە 18ـی ئازار پارتى هەڵوێستى خۆى راگەیاند و کەموکوڕییەکانى دیاریکرد.

وتەبیژى پارتى دیموکراتى کوردستان ئەوەشی خستووەتەڕوو، بەشێک لەو تێبینى و کەموکوڕیانە چارەسەرکران و بەشێکیشیان لە چارەسەرکردن دان، هەرچەندە هەموو چارەسەرەکان لەسەدا سەد نەبوون بەڵام بەشێک لە مافەکان بۆ پێکهاتەکانى کوردستان گەڕایەوە، بابەتەکانى دیکەش بەشێکی باشیان چارەسەرکراون، بۆیە دواى راگەیاندنى وادەى هەڵبژاردنى خولى شەشەمى پەرلەمانى کوردستان لەلایەن سەرۆکى هەرێمى کوردستان، پارتی دەستدەکات بە ئامادەکارییەکان بۆ پرۆسەى هەڵبژاردنى پەرلەمان.

بەشداریکردنى پارتى دیموکراتى کوردستان لەهەڵبژاردنى پەرلەمانى کوردستان لە کاتێکدایە، بەبڕیارى دادگاى فیدراڵى کورسییەکانى پەرلەمانى کوردستان لە 111 کورسییەوە کەمکراوەتەوە بۆ 100 کورسى و کورسى پێکهاتەکان لە 11 کورسییەوە کەمکراوەتەوە بۆ پێنج کورسى و ئەو پێنج کورسیەش دابەشى سەر پارێزگاکان کراوە.

En az 10 karakter gerekli