بانکی ناوەندی: مامەڵەکردن بە دۆلار کۆتایی دێت

بانکی ناوەندی: مامەڵەکردن بە دۆلار کۆتایی دێت

ئه‌یلول 24, 2023 19:38
بانکی ناوەندی: مامەڵەکردن بە دۆلار کۆتایی دێت
0

لایک

پارێگاری بانکی ناوەندی عێراق رایگەیاند، لە ساڵی داهاتوو، سەرجەم مامەڵە ناوخۆیی و مامەڵاکانی دیکە بە دۆلار قەدەغەدەکرێت، تەنها رێگە بە بەکارهێنانی دیناری عێراقی دەدرێت.

عەلی عەلاق پارێزگاری بانکی ناوەندی لە پەیامێکدا بڵاویکردەوە، لە ساڵی داهاتوو بانکی ناوەندی دەست لە حەواڵەی دەرەکی هەڵدەگرێت، لە بری ئەوە پشت بە بانکە مۆڵەت پێدراوە ناوخۆییەکان دەبەسترێت، واتە کاری حەواڵەی دەرەکی دەسپێردرێت بەوان.

ئاماژەی بەوەشکرد، ئەو بریارەش بە هاوبەشی لە نێوان بانکی ناوەندی عێراق و بانکی فیدڕاڵی ئەمریکا دراوە، بەو شێوەیە بانکی ناوەندی لە جێبەجێکارەوە دەبێتە ناوەندی سەرپەرشتی و چاودێری جوڵەی نەختینەیی و بانکی.

ئەوەشی خستەڕوو، بانکی ناوەندی لە هەوڵدایە بۆ کردنەوەی کەناڵی راستەوخۆی بانکی لەگەڵ بانکە بیانییەکان، ئەویش لە پێناو پەرەپێدانی ئاڵوگۆڕی بازرگانی، لە ئێستاشدا لە هەوڵدان بۆ کردنەوەی کەناڵی بانکی کە تێیدا مامەڵە بە دراوەکانی وەک، درهەمی ئیماڕاتی، لیرەی تورکی، روپیەی هیندی و یۆرۆ بکرێت.

باسی لەوەشکرد، لە ساڵی داهاتوو سەرجەم مامەڵە بازرگانییە ناوخۆییەکان و ئەوانی دیکەش بە دۆلار قەدەغەدەکرێت، تەنها دینار بەکاردەهێنرێت، بەڵام فرۆشتنی دۆلار بە گەشتیاران بەردەوام دەبێت.

پارێزگاری بانکی ناوەندی ئەوەشی ئاشکرا کرد، بەشداریکردنی زۆربەی بازرگانەکان بۆ سەکۆی مامەڵەکردن بە دراوە بیانییەکان و پەیداکردنی دۆلارێک بە هەزار و 320 دینار، هۆکارێکی راستەوخۆی کۆنتڕۆڵکردنی نرخی دۆلار و ئاستی هەڵئاوسان بوو.

ئاماژەی بەوەشکرد، رێکاری نوێی حەواڵە و فرۆشتنی دۆلار، کەرتی بانکی عێراق لە سەرجەم مەترسییەکان دەپارێزێت، هەروەها لەلایەن عێراق و ئەمریکاشەوە قبوڵکراوە و لەگەڵ یاسای بەرەنگاربوونەوەی سپیکردنەوە و بەقاچاغبردنی پارە دەگونجێت.

En az 10 karakter gerekli